الثلاثاء، 16 سبتمبر 2008

المرأة في الأمثال الشعبية الليبية

اليوم عجبوني أمثال شعبية عن المرأة فحبيت ننقلهالكم
بس مش أي مثال جبتهالكم ॥إحم إحم


بو البنات مرزوق


اللي خلف البنات ما مات


أعطي بنتك وزيد عصيدة


بفلوسك بنت السلطان عروسك


بقروشك تاخذ بنت السلطان


رباية البنت علي أمها


خوذ بنت عمك تصبر علي همك


عليك ببنات الأصول راهو الزمان يطول


خوذ البنات من صدور العمات


اللي مراته قصيرة يفرح ويقول صغيرة


من كبر بختي جت كنتي بنت أختي

مركب الضراير سارت ومركب السلايف حارت


ما هم إلا هم السّلْفة، أما الحما ماشية منتلفة


عقربين في غار ولا أختين في دار

الضرة ضرة ولو كانت وذن جرة

البنت تجيب من عمتها ولو كان من كعبتها


منقول

هناك 5 تعليقات:

غير معرف يقول...

some of them were so funny to read
thanks

Herr Esharif يقول...

بجد موضوع خفيف وممتع ... بصراحه ان استمتعت بقراية الامتله بجد جابو فيها مع العلم ن اغلبها ما يخلاش من الظرافه .. سلام

غير معرف يقول...

اهلا،
شن هالأمثلة الحلوة هذه، بصراحة أكثر مثال عجبني "اللي مراته قصيرة يفرح ويقول صغيرة"
وسلام.

غير معرف يقول...

المثل هذا (اللي مراته قصيرة يفرح ويقول صغيرة)
يضحك علي الأخر ويفرح القصيرات الي زيني
رمضانك مبروك ياورده

ahmed_k يقول...

ههههههههههههه
حلوه
وفيهم بعض الأمثال الموجود مطابق لها في مصر بنفس المعنى
ولكن ربما تختلف في كلمه لكن المعنى واحد

بوست جميل وخفيف

تحياتي